გილოცავთ ახალ 2011 წელს!

შობა -ახალ წელს გილოცავთ თითოეულ მოქალაქეს!

ახალი წელი

                          თბილისი ნაძვის ხეს ემსგავსება
თბილისში საახალწლოდ მზადება რამდენიმე კვირით ადრე იწყება. ქალაქი ულამაზესი გირლიანდებითა და ფერადი ნათურებით ირთვება. საახალწლო განწყობა განსაკუთრებით ღამით მძაფრდება – ერთმანეთის მიყოლებით ინთება თეთრი, ლურჯი, მოყვითალო ფიფქები, შენობები ნაირფერი გირლიანდების ,,ნიაღვარშია” ჩაფლული, ქუჩებში კი სხვადასხვაფრად აბრიალებული ხეები ,,ამოიზრდებიან.” თბილისი საახალწლოდ ფერადი სათამაშოებით მორთულ ულამაზეს ნაძვის ხეს ემსგავსება.  



                                             ახალი წლის ღამე  
საახალწლო ღონისძიებები კულმინაციას საზეიმო ღამეს აღწევენ. ქალაქის ცენტრი – თავისუფლების მოედნიდან რუსთაველის გამზირის გაყოლებაზე ვარდების მოედნამდე ზღაპრის ჯადოსნურ პერსონაჟებს, მუსიკოსებს, საკარნავალოდ გამოწყობილ მსახიობებს ეთმობათ. საზეიმო გარემო ულამაზესად მორთული რუსთაველის გამზირისა და თავისუფლების მოედნის ყოველ კუთხე-კუნჭულშია გამეფებული.
                                       

   თბილისი ნაძვის ხეს ემსგავსება  
თბილისში საახალწლოდ მზადება რამდენიმე კვირით ადრე იწყება. ქალაქი ულამაზესი გირლიანდებითა და ფერადი ნათურებით ირთვება. საახალწლო განწყობა განსაკუთრებით ღამით მძაფრდება – ერთმანეთის მიყოლებით ინთება თეთრი, ლურჯი, მოყვითალო ფიფქები, შენობები ნაირფერი გირლიანდების ,,ნიაღვარშია” ჩაფლული, ქუჩებში კი სხვადასხვაფრად აბრიალებული ხეები ,,ამოიზრდებიან.” თბილისი საახალწლოდ ფერადი სათამაშოებით მორთულ ულამაზეს ნაძვის ხეს ემსგავსება. ახალი წლის ღამე საახალწლო ღონისძიებები კულმინაციას საზეიმო ღამეს აღწევენ. ქალაქის ცენტრი – თავისუფლების მოედნიდან რუსთაველის გამზირის გაყოლებაზე ვარდების მოედნამდე ზღაპრის ჯადოსნურ პერსონაჟებს, მუსიკოსებს, საკარნავალოდ გამოწყობილ მსახიობებს ეთმობათ. საზეიმო გარემო ულამაზესად მორთული რუსთაველის გამზირისა და თავისუფლების მოედნის ყოველ კუთხე-კუნჭულშია გამეფებული.

ახალი 2011 წელი მობრძანდება თავისი დიდებულებით!

 ეს საახალწლო ნაძვის ხე ქალაქის მერიამ კორპუსის თავმჯდომარეებს უსახსოვრა საახალწლოდ.2011 წელი მობრძანდება მთელი თავისი დიდებულებით....ბავშვობაში შესწავლილი ლექსის სტრიქონები მახსენდება: ,,წელო, წელო ახალო, კვლავ რა უნდა გვახარო?"რა უნდა გვახარო,ახალო წელო? რა უნდა მოიტანო ჩვენს ღვთითკურთხეულ მიწაზე? მშვიდობა და ჯანმრთელობა გვჭირდება ყველაზე მეტად....ხვავი და ბარაქა....სიყვარული და ერთგულება....ატანა და გატანა....მიტევება და სათნოება....გაცემა და გაღება...გაძღოლა და გაბევრება....გამრავლება და აშენება... ლოცვა და გალობა...სიმღერა და გახარება....სინათლე და ამზევება....იმედი და სასოება.....ეს პატარა ნაძვის ხე მართლაც დიდი ყურადღებასა და მოვლას საჭიროებს....ის ბუნებრივია,ცოცხალი არსებაა,უნდა გაიზარდოს,ფრთები გაშალოს,გალაღდეს და ამ პატარა ქოთნიდან უფრო დიდ  სავარძელში გადაბრძანდეს, შემდეგ კი კორპუსის ეზოში უნდა გადასახლდეს.........მართლაცდა ორიგინალური საჩუქარია....ეს ნაძვის  ხე პირადად ჩემთვის დიდი სიხარულისა სიყვარულის საწინდარია,მწვანე ფერი ხომ განახლებისა და იმედის სიმბოლოა....ახალ 2011 წელს დიდი სითბო და სიკეთე მოეტანოს თითოეული მოქალაქისათვის, სრულიად საქართველოსათვის.        დიდი მადლობა დეპუტატ ვახტანგ ცაგარეიშვილსა და კოორდინატორ სპარტაკ წვერავას ყურადღებისა და კეთილი სურვილებისათვის.  

გაეცანით ინფორმაციას!

თუ თქვენ მშენებლობის დაწყება გსურთ, პირველ რიგში, უნდა მიმართოთ ქ. თბილისის მერიის საჯარო სამართლის იურიდიულ პირს "თბილისის არქიტექტურის სამსახურს".

მისამართი: ჟ. შარტავას N 7


მშენებლობის ნებართვის ასაღებად 3 ეტაპს გაივლით.





თბილისის არქიტექტურის სამსახურში უნდა წარადგინოთ დოკუმენტაცია 4 ეგზემპლარად.
1) განცხადება, რომელიც უნდა შეიცავდეს მითითებას რა სახისა და ხასიათის სამშენებლო საქმიანობას ისახავთ მიზნად.
2) საკუთრების დამადასტურებელი საბუთი (ამონაწერი საჯარო რეესტრიდან და საკადასტრო რუკა);
3) ტოპორუკა მასშტაბით 1:500 და 1:2000;
4) გარემოს ამსახველი ფოტომასალა;
5) თანამესაკუთრის ნოტარიალურად დამოწმებული თანხმობა.
პირველი ეტაპის შემდეგ თქვენ მოგცემენ ქალაქმშენებლობითი პირობების დადგენის ადმინისტრაციულ აქტს, რის შემდეგაც მეორე ეტაპზე გადასასვლელად 30 დღის ვადაში კვლავ მიბრძანდებით თბილისის არქიტექტურის სამსახურში.





პროექტის შესათანხმებლად თბილისის არქიტექტურის სამსახურში უნდა წარადგინოთ შემდეგი დოკუმენტაცია:
1) მიწის ნაკვეთის საკადასტრო რუკა და ამონაწერი საჯარო რეესტრიდან;
2) არქიტექტურულ-სამშენებლო პროექტი;
3) ქალაქმშენებლობითი პირობების დადგენის შესახებ ადმინისტრაციული აქტი;
4) საინჟინრო-გეოლოგიური დასკვნა;
მეორე ეტაპის შემდეგ თქვენ მოგცემენ არქიტექტურულ-სამშენებლო პროექტის შეთანხმების ადმინისტრაციულ აქტს და 20 დღის ვადაში დაგიბარებენ თბილისის არქიტექტურის სამსახურში.





რისთვისაც თბილისის არქიტექტურის სამსახურში უნდა წარადგინოთ შემდეგი დოკუმენტაცია:
1) არქიტექტურულ სამშენებლო პროექტი
2) მშენებლობის ორგანიზების პროექტი
3) ტექნიკური პირობები, რომელსაც თქვენ მოგცემენ თელასში, თბილისის წყალში და ,,ყაზტრანსგაზში";
4)მიწის ნაკვეთის საკადასტრო რუკა და ამონაწერი რეესტრიდან.
განსაკუთრებული მნიშვნელობის ობიექტის მშენებლობისას კი უნდა წარადგინოთ საექსპერტო დასკვნა და საექსპერტო ორგანიზაციასთან ან ექსპერტთან გაფორმებული ხელშეკრულება, რომელსაც თქვენ იღებთ საექსპერტო ორგანიზაციაში ან ექსპერტისაგან;

მესამე ეტაპის შემდეგ 10 დღის ვადაში თქვენ მიიღებთ მშენებლობის ნებართავს.





მიმართეთ თბილისის არქიტექტურის სამსახურს და წარადგინეთ შემდეგი დოკუმენტაცია:
1. ამონაწერი საჯარო რეესტრიდან;
2. თანამესაკუთრეების არსებობის შემთხვევაში თანამესაკუთრეების თანხმობა ნოტარიულად დამოწმებული;
3. სრული არქიტექტურული პროექტი:
• არსებული შენობის ფოტოსურათი,
• განმარტებითი ბარათი,
• სატიტულო ფურცელი,
• არსებული გეგმა,
• პერსპექტიული გეგმა,
• არსებული ფასადის გეგმა,
• პერსპექტიული ფასადის გეგმა,
• არსებული შენობის ჭრილი,
• შენობის პერსპექტიული ჭრილი,
• ფოტო-მონტაჟი,
• სიტუაციური გეგმა მასშტაბით: 1:500 და 1:2000.

შენიშვნა: საყრდენი კედლის შემთხვევაში,SS საჭიროა შესაბამისი ორგანიზაციის მიერ გაცემული სეისმური დასკვნა (კონსტრუქციული პროექტი გამაგრებითი სამუშაოებისთვის).




ნებადართულია მხოლოდ ინდივიდუალურ საცხოვრებელ სახლებსა და საზოგადოებრივი დანიშნულების ობიექტებზე. ნებართვის ასაღებად მიმართეთ თბილისის არქიტექტურის სამსახურს. თქვენ გაივლით სამ სავალდებულო ეტაპს:
1. ქალაქმშენებლობითი პირობების მომზადება;
2. პროექტის შეთანხმება;
3. ნებართვის აღება.

მრავალბინიან საცხოვრებელ სახლებზე აკრძალულია ყოველგვარი მიშენება-დაშენება საქართველოს რესპუბლიკის მთავრობის 1992 წლის 30 ოქტომბრის #1020 და ქ. თბილისის მერიის საქალაქო კოლეგიის 1992 წლის 3 სექტემბრის #06.04.45 დადგენილებებით.

დეკემბერი დადგაო და............

აცივდა....
ზამთრისპირი დამდგარა თბილისში....და არა მარტო თბილისში.....
ბუნება სუსხსსაც გვიგზავნის და სითბოსაც იმეტებს....
–მაშინ, ჩვენ რა მოგვდის, ადამიანებო?!გავიმეტოთ ღიმილი და სითბო ერთმანეთისათვის, დავძლიოთ ბუნებისაგან გამოგზავნილი სიცივე ჩვენს გულებში აგიზგიზებული ცეცხლით!  –მაინც,რა ჰქვია ამ ცეცხლს?! დამავიწყდა....შემახსენე!...
–რა? ვერგავიგე.....შენც ვერ იხსენებ სახელს?
–მაშინ მაგრძნობინე!

სიყვარულის ახსნა

 სათიბში მიჯნური მთვარე დაბანცალებს.
იციან _ იწვიან ვარსკვლავთა ნარგისნი.
მსურხარ და მაძალებ _ სულ ცოტა მაცალე _
სული თუ მოვითქვი _ სიყვარულს აგიხსნი.
გეტყვი, რა სახმილმა ეს გული დაფლითა
ან მთვარე რად ვიძმე _ ღამეთა პოეტი.
გეტყვი, რომ ცასავით შორეულ ზღაპრიდან
სულ შენთან მოვდივარ და ვეღარ მოვედი;
მერანს შევაცვითე ფერდებზე დეზები,
ვაწბილე ეშმა და ჭინკა და მაცილი,
ამდენი გეძებე _ რამდენი გეძებე!

და დაუძლეველი ვიპოვე მანძილი.
და თუმცა თითებში შენი თმის ლანდია,
თითები თვრებიან მთენთავი ბანგის სმით, _
ნარგისის თვალები ისე შორს ანთია,
ვით ღამის სათიბში ვარსკვლავთა ნარგისნი.
გეტყვი, რომ სიზმრები ქარებმა მირწიეს,
შლეგი იკაროსის ელდით ვარ ნასეტყვი...
და ასე სასურველს
და ასე მიწიერს,
უკვე აღარ ვიცი, გეტყვი თუ არ გეტყვი! _
რომ, თუნდაც მერანმა არსად გადამჩეხოს,
ბედი იქირქილებს, ბილწი და ბოროტი,
რადგან ეს ბილიკი, ასე საცალფეხო,
მკაცრად საცალფეხო იქნება ბოლომდის;
რომ მთვარე მარტოა და მწირის თმა-წვერით
სხვადასხვა სცენაზე ჩვენ ერთი როლი გვაქვს;
და უსასრულოა
და სისხლით ნაწერი
ჩემი ქრონიკული ტრფიალის ქრონიკა;
რომ შემომჩვევია სევდა გაბასრული,
კაეშნის მგეშავი, ავი და გულზვავი,
ჩემი მარტოსული პატარა წარსული
ზურგზე რომ ამკიდა ამხელა კუზივით;
ათასჯერ სიკვდილით თვალები დავიწვი,
სული აქილევსის ვეება ქუსლია...
და ალბათ, არ გეტყვი, რადგან თუ რამ ვიცი,
ვიცი, რომ სიყვარულს ასე არ უხსნიან!
და სწორედ ამიტომ შენი თმის თავთავებს
მდუმარედ მოვისთვლი დამთვრალი ბანგის სმით,
და სწორედ ამიტომ მთვარეს ვუთვალთვალებ,
და სწორედ ამიტომ
სიყვარულს არ გიხსნი.
  

ტეგები:

ზაზა ბიბილაშვილი

ქალაქის გამწვანება

ეკოლოგიურად სუფთა გარემო, სიმწვანე, სისუფთავე და სილამაზე მოვლას მოითხოვს თბილისის მერიის მიერ, ქალაქის მასშტაბით არსებული ყველა ბაღ-პარკის სამშენებლო-აღდგენითი და გამწვანების სამუშოები აქტიურად მიმდინარეობს. სულ მალე ყველა თაობის წარმომადგენელს ექნება საშუალება, მისთვის ადეკვატური, კარგად ნაცნობი გარემოს ხშირი სტუმარი გახდეს და ბევრ სიახლესაც ეზიაროს. ვაკის პარკი, ვერის ბაღი, მრგვალი ბაღი, ბავშვთა ქალაქი მზიური, გლდანის პარკი, ვარდების ბაღი, მუშთაიდის პარკი, თბილისის ზღვის პარკი და თბილისის სხვადასხვა უბანში გაფანტული უამრავი სკვერი,  მალე ქალაქისთვის წარმოუდგენელ სილამაზედ იქცევა. განათებული, ხე-მცენარეებით, პალმებით, შადრევნებით, ვარდებითა და მოწესრიგებული მწვანე თარგებით, ატრაქციონებით, სპორტული მოედნებითა და სხვადასხვა გასართობი საშუალებებით გაფორმებული გარემო, ყოველი ჩვენგანისთვის დასვენების საუკეთესო საშუალება იქნება. ბუნების სიახლოვე სულიერი სიმშვიდის განცდასა და დასვენების საშუალებას მოგვანიჭებს. "ვერტიკალური ბაღი" ეკოლოგიისა და გამწვანების საქალაქო სამსახურის ინიციატივით ავლაბრის მეტროსთან საქართველოში პირველი ვერტიკალური ბაღი გაშენდა. ცოცხალი კედელი ავლაბრის მეტროს სადგურის ფასადზე ცნობილი ფრანგი ბოტანიკოსისა და ლანდშაფტის არქიტექტორის პატრიკ ბლანის პროექტით მოეწყო. აღნიშნული ბაღის ანალოგი ევროპის ბევრ ქალაქში არსებობს და დეკორატიულ გამწვანებაში ერთ-ერთ ღირსშესანიშნაობას წარმოადგენს. თბილისის მერიამ ექსკლუზიური პროექტის განხორციელება 2010 წლის იანვარში დაიწყო. ხელოვნურად გაშენებული ვერტიკალური ბაღი შენობის წინ მდებარე მდელოდან იწყება. მარადმწვანე და მოყვავილე მცენარეები 107 კვ.მ. ფართობს ვერტიკალურად ამწვანებს. ვერტიკალური ბაღის გასაშენებლად  სულ 104 დასახელების 4 400 ძირი მოყვავილე და მარადმწვანე მცენარე იქნა გამოყენებული.  პროექტის ტექნოლოგიით ყველა ეს მცენარე შენობის კედელზე საგანგებოდ მოწყობილ თექაშია განთავსებული. თექის ქვეშ არსებული მიწის ხელოვნური მორწყვის სისტემა მცენარეებისთვის სასუქისა და წყლის მიწოდებას ავტომატურ რეჟიმში უზრუნველყოფს. ნარგავები ყველა სეზონზე სხვადასხვა პერიოდულობით გაიხარებს.  “ყვავილების საათი” ეკოლოგიისა და გამწვანების საქალაქო სამსახურის ინიციატივით ამჯერად თბილისი ორიგინალური დიზაინის ყვავილების საათით გამწვანდა.  ყვავილების საათი ევროპის მოედანზე, 1450 კვ.მ ფართობზეა გაშენებული. საათის დიამეტრი 10 მეტრია.  საათის მოსაწყობად გამოყენებულია სულ 70 დასახელების 1200-მდე ყვავილი, რომლებიც ყველა სეზონზე სხვადასხვა პერიოდულობით გაიხარებს.  საათის შვეიცარიული მექანიზმი ტაივანში დამზადდა. მექანიზმის ტექნოლოგიის გათვალისწინებით, საათისა და წუთების მაჩვენებელი 3.40 და 5-მეტრიანი ისრების მიერ  ნაჩვენები დრო თანამგზავრზე ავტომატურ რეჟიმში სწორდება.  საათის დიზაინი ევროპული ანალოგებისგან განსხვავებულია და თბილისისთვის არის შექმნილი. იმისთვის, რომ საათის ნახვა ყველა მხრიდან გაადვილდეს, მექანიზმი მოედნის ერთ-ერთ კუთხეში სპეციალურად მოწყობილ, 15-გრადუსიანი დახრის მქონე ბორცვზე დამონტაჟდა. საათი განსაკუთრებით აღქმადი რიყის პარკიდან იქნება. მოედანზე მოწყობილი დეკორატიული განათება  საათის აღქმას მთელი ღამის განმავლობაში უზრუნველყოფს  და კომპოზიციის ყველა ელემენტს გაუსვამს ხაზს. პროექტის ავტორია ჰოლანდიური კომპანიის “Dutch Design Garden-ის” დიზაინერი მარტინ ველტკამპი.

მზიანეთი

თბილისი ნათელი ფერების ქალაქი

ქ. თბილისის მერიამ  შეიმუშავა პროგრამა, რომელიც წლების მანძილზე გაუფერულებული ფასადების წესრიგში მოყვანას ითვალისწინებს.
თბილისის ქუჩებში სეირნობისას ლამაზ, მხიარულ ფერებში შეღებილი ფასადები ბუნებრივად გვახალისებს და დადებით განწყობას გვიქმნის.
თბილისი გეოგრაფიული მდებარეობითა და ტრადიციით საოცრად ორიგინალური ქალაქია, სადაც თანაბრად არის წარმოდგენილი, როგორც აზიური კულტურის, ასევე ევროპული ქალაქებისათვის დამახასიათებელი ელემენტები.
ეს კულტურული “სიჭრელე” ნათლად აისახება ქალაქის არქიტექტურაზეც, რომელიც ძალზედ ეკლექტურია.
აღდგენილია და რეკონსტრუირებულია ასობით ფასადი. შენობის ფასადების სარემონტო-აღდგენითი სამუშაოები კვლავაც გრძელდება.
ლამაზი და მხიარული ფერები კიდევ უფრო გაალამაზებს და ხალისს შემატებს ჩვენს დედაქალაქს. 

ერთად ვიცხოვროთ ნათელი ფერების ქალაქში...

სისუფთავის ქალაქი

დასუფთავებული ქუჩები, ხალისიანი გარემო,
ბედნიერი სახეებით მოსიარულე მოქალაქეები -
ეს არის ყოველი თბილისელის ოცნება

2006 წლიდან თბილისში “მეეზოვის დღე” ტრადიციულად 31 ივლისს აღინიშნება.
ქალაქის  სისუფთავეზე ყოველდღიურად დასუფთავების სამსახურის 3 000 თანამშრომელი ზრუნავს. თითოეული მათგანის დაუღალავი შრომისა და განხორციელებული ცვლილებების შედეგად, თბილისი დღეს ბევრად უფრო სუფთა ქალაქია, ვიდრე წლების წინ იყო. ამ მიმართულებით თბილისის მერია სხვადასხვა პროექტების განხორციელებას მომავალშიც გეგმავს.

წლების განმავლობაში არსებობდა საცხოვრებელ კორპუსებში არსებული ნაგვის ბუნკერების პრობლემა, რაც იმაში გამოიხატებოდა, რომ ბუნკერები ამორტიზირებული, უსუფთაო და ყოველგვარი ინფექციის წყარო იყო. თბილისის მერის ინიციატივით მრავალბინიან საცხოვრებელ სახლებში ეს პრობლემა მოგვარდა. დაიხურა ბუნკერები და მათ სპეციალური კონტეინერები ჩაენაცვლა.

ასევე თბილისის მიმდებარე ტერიტორიაზე აშენდა და უკვე ექსპლუატაციაში შევიდა, საერთაშორისო სტანდარტების შესაბამისი მყარი საყოფაცხოვრებო ნარჩენების ახალი პოლიგონი. თანამედროვე ტექნოლოგიებით აღჭურვილ ობიექტზე მაქსიმალურად იქნება დაცული, როგორც პოლიგონის, ასევე მისი შემოგარენის ეკოლოგიური მდგომარეობა. 

ქალაქის დასუფთავებასთან დაკავშირებულ საკითხებზე მოგვმართეთ მერიის ცხელ ხაზზე 24 საათის განმავლობაში.
72 22 22

გნებავთ აღვადგინოთ ლიფტი?

ამორტიზებული  ლიფტების მოდერნიზაცია    ,,თბილისის კორპუს”-ს აქვს ამხანაგობებისთვის ახალი შეთავაზება - ამორტიზებული (მწყობრიდან გამოსული) ლიფტების მოდერნიზაცია (კაპიტალური შეკეთება). (ამხანაგობის წილი - 30%, მერიის წილი- 70%)  ამხანაგობის თანამონაწილეობის წილს - 30%-ს ქ. თბილისის მერია სესხის სახით, 4 წლის ვადით, გასცემს ამხანაგობაზე.  აღნიშნულ პროგრამაში მონაწილეობის მისაღებად, ამხანაგობის თავმჯდომარე ამხანაგობის სახელით განცხადებით მიმართავს სამსახურს.  თუ წარმოდგენილი განცხადება შესაბამისობაშია პროგრამასთან და ლიფტის აღდგენა შეუძლებელია მიმდინარე შეკეთების გზით, სამსახური იღებს გადაწყვეტილებას, განცხადების დაკმაყოფილების შესახებ.  განცხადებების დაკმაყოფილებისას უპირატესობა მიენიჭება იმ მრავალბინიანი სახლის სადარბაზოს, სადაც ცხოვრობს შეზღუდული შესაძლებლობის მქონე პირი, ასევე სადარბაზოში მცხოვრებ პენსიონერთა რაოდენობას.  სამუშაოებს აწარმოებს მერიის მიერ ჩატარებული ტენდერის შედეგად გამოვლენილი გამარჯვებული მომსახურე ორგანიზაცია.  მერიასა და ამხანაგობას შორის, თანამონაწილეობის წილის სესხად გაცემის შესახებ ხელშეკრულების გასაფორმებლად, ამხანაგობის თავმჯდომარე ამხანაგობის სახელით წარადგენს ბინათმესაკუთრეთა ამხანაგობის წევრთა ნოტარიულად დამოწმებულ საერთო კრების ოქმს, რომლის მიხედვით, ამხანაგობის წევრთა 2/3 თანახმაა სესხის აღებაზე და უფლებამოსილებას ანიჭებს ამხანაგობის თავმჯდომარეს ამხანაგობის სახელით მოაწეროს ხელი სესხის ხელშეკრულებას. კრების ოქმში ასახული უნდა იყოს ამხანაგობის იმ წევრთა თანხმობა, რომლებიც უშუალოდ უზრუნველყოფენ სესხის სახით გაცემული თანამონაწილეობის წილის დაფარვას.  მითითებული დოკუმენტების წარმოდგენის შემდეგ მერიასა და ამხანაგობას შორის ფორმდება სესხის ხელშეკრულება.

თბილისური შემოდგომა

შემოდგომის ფერებით ივსება ბუნება

Posted on September 6, 2010 by alleskreativ

ამბობბენ წელიწადის ყველა დროს თავისი ხიბლი აქვსო.მაგრამ განსაკუთრებული ხიბლით შემოდგომა გამოირჩევა. მახსოვს წელიწადის დროების გადახასიათებისას შემოდგომას ასე აღვწერდით: თბილი ფერები,ფოთოლცვენა, ბუნების გაფერადება…..ბუნების გაფერადება-დიახ! ზუსტად შემოდგომაზეა საჭირო უამრავი თბილი ფერი.წითელი,ყვითელი,ოდნავ მწვანე.ბუნებაც ნელ-ნელა ფერადდება.ისევე როგორც მხატვარი აფერადებს ნახატს….გრძნობ როგორი სიგრილეა გარეთ და შენს წინ დაგდებულ ფოთოლს აკვირდება.. მწვანეს,წითელს.გარეთ შემოდგომა დადგა…მალე ალბათ წვიმაც წამოვა..აცივდება.
ამბობენ,შემოდგომა სევდიანიაო! არა,მე არ ვფიქრობ ასე.მერე რა რომ,წვიმს,ცაზე ღრუბელია….შემოდგომას აქვს თავისი სილამაზე. სილამაზე,რომელიც ფერადია,ჩაფიქრებული,ოდნავ სევდიანი,მაგრამ მხიარულიც.

შემოდგომა დადგა!!!!!ჩემს ბლოგზეც დაიწყო შემოდგომა….ნამდვილი შემოდგომა

დაყვითლებია ხეებს თითები....
ქარვისფრადაა დანაბინდები.....
ფერთა პალიტრა გასაოცარი....
 ბუნება თავის ბედის მლოცავი.............

თაობათა კავშირი-დეპუტატები სკოლაში

ზოგჯერ ბავშვსაც უნდა მოუსმინო,იქნებ სიმართლე მისი პირით შეიტყო.....დეპუტატები სწორედ მოსწავლეების მოსასმენად მივიდნენ ქ.თბილისის §32 საჯარო სკოლაში(დირექტორი ნანა ქაჯაია).
ბატონი მერაბ სამადაშვილი,მამუკა გუგეშაშვილი,ვახტანგ ცაგარეიშვილი,შოთა ქურდაძე,მურმან თხელიძე და სხვები აღფრთოვანებულები დარჩნენ ბავშვების თავისუფალი აზროვნებითა და მასწავლებლის-ასმათ ჭარელიძის მჭევრმეტყველებით.

ბავშვობაში დაბრუნება

2010 წლის 18 ნოემბერს სკოლის მერხებთან ,ბავშვებთან ერთად, უფროსი ადამიანებიც ისხდნენ....ისინი ამჯერად არა საკრებულოს სხდომებს, არა პარლამენტის სხდომებს, არამედ გაკვეთილს ესწრებოდნენ....აკაკი წერეთლის საიუბილეო წელი.....170 წლისთავი.....,,ბაში-აჩუკი”....საქართველოს ისტორიის სისხლიანი ფურცელი.....სიტყვაში გაცოცხლებული მატიანე....მსჯელობა საქართველოს ბედ-იღბალზე.....გულანთებული ბავშვები და კმაყოფილი სტუმრები....დამაშვრალი პედაგოგოები და ბედნიერი მზერა....იმედი იმისა,რომ საქართველოს გადაშენება არ უწერია.....
 ,,კიდევაც დაიზრდებიან, ალგეთს ლეკვები მგლისანი...”

გასაკეთებელი კიდევ ბევრია....

ახალი სასწავლო წელი დადგა...
მოსწავლეები სკოლისაკენ მიიჩქარიან....
ალბათ შემოდგომის წვიმიანი სეზონიც დაიწყება....
ქუჩები მოასფალტებულია....
იმედია,ახალგაზრდები აღარ შეწუხდებიან  ტალახითა  და გზაზე დამდგარი გუბეებით,რაც ადრე ხშირი მოვლენა გახლდათ....

 გასაკეთებელი კიდევ ბევრია.......................................... 

მიწის ნაკვეთის საზღვრების დადგენის პროექტი

საცხოვრებელი სახლი,რომელიც მდებარეობს მისამართზე:თბილისი.თემქა.11 მკრ.რ-ნი.მე-2 კვარტალი.25-ე კორპუსი.

საპროექტო უბნის განაშენიანება მიეკუთვნება მაღალი ინტენსივობის საცხოვრებელ ზონას.
ტერიტორიას ჩრდილოეთიდან და სამხრეთიდან ესაზღვრება კორპუსების გამწვანების ზოლი.
აღმოსავლეთით კორპ.№26.დასავლეთით-კორპ.№24.
ეზოში ჩრდილოეთის მხრიდან განლაგებულია 9 ავტოფარეხი.
ტერიტორია კარგადაა გამწვანებული,განსაკუთრებით მისი ჩრდილოეთი და სამხრეთი ნაწილები.

საცხოვრებელი სახლი 8 სართულიანია.შენობის მიერ დაკავებული ფართია 445,43 კვ.მ.კ2=2.2.
შესაბამისად შენობისათვის კ2 კოეფიციენტით კუთვნილი მიწის ფართობია 1619 კვ.მ.

რეალურად ,,წითელი ხაზების” ფართობია 1619 კვ.მ.

წვიმის გამჭვირვალე 
წვეთებში დანახული სამყარო...

სიმწვანეში ჩაკარგული....

....და უსაშველოდ გასცქერის სივრცეს,
წარსულისა და მომავლის ხიდი.....
ამაში მოსჩანს  ძლიერი გენის
მფეთქავი გრძნობის სხვაგვარი ხიბლი.... 

გაიღიმეთ!
ღიმილი ახანგრძლივებს სიცოცხლეს!
კარგი განწყობა თქვენი ჯანმრთელობის საწინდარია!
ჯანმრთელი ადამიანი კი ქვეყნის ღირსეული წევრია!
ღირსეულობა კი გამორჩეულთა ხვედრია!
გამორჩეულობა ერთადერთია!
 იყავი ერთადერთი და განუმეორებელი!

გააკეთე არჩევანი!

ხვალ 30 მაისია!
დიახ,არჩევნებია!
გააკეთე სწორი არჩევანი და არ დარჩები  არჩევანის გარეშე!

დაფინანსება მივიღეთ!

ქალაქის მერიამ  ჩვენს კორპუსს,ანუ ამხანაგობა ,,მზიანეთს” 3 პროექტი დაუფინანსა:

1. სახურავის შეკეთება
2. წითელი ზოლების დამტკიცება
3. ლიფტის აღდგენა.  

მესაკუთრე ვალდებულია:

მესაკუთრე,
განურჩევლად მისი ბინის მდებარეობისა,
სხვა ბინის მესაკუთრეთა წინაშე ვალდებულია ,თავისი წილის შესაბამისად, 
გასწიოს ბინათმესაკუთრეთა ამხანაგობის წევრთა საერთო ქონების 
მოვლა-პატრონობისა და ექსპლუატაციის ხარჯები.

რა არის ამხანაგობის წევრთა საერთო ქონება?

ამხანაგობის წევრთა საერთო ქონებაა:

1. მიწის ნაკვეთი
2. ამხანაგობის წევრთა საერთო ქონების მომსახურებისთვის განკუთვნილი შენობა-ნაგებობები და საინჟინრო-კომუნიკაციური მოწყობილობა და გაყვანილობა
3. საძირკვლები,კარკასი,კედლები,საერთო  სარგებლობის აივნები,სართულშუა გადახურვები,მოაჯირები,ლავგარდანები(კარნიზები),საწვიმარი მილები და ა.შ.
4. სადარბაზოები,დერეფნები,კიბის უჯრედები,სარდაფები,სხვენები,საქვაბეები,სახურავები,ლიფტები, და ა.შ.,რომლებიც არ იმყოფება ინდივიდუალურ საკუთრებაში.
5. სატრანზიტო გაყვანილობა. 

ფოტოსურათები:

ოქმები

1.  ოქმი № 1.-ბინის მესაკუთრეთა ამხანაგობის დამფუძნებელი კრების ოქმი.
                                                     თარიღი:2006 წელი.11 მარტი 
                        დღის წესრიგი: 

• ამხანაგობის ჩამოყალიბება
• ამხანაგობის თავმჯდომარის არჩევა 

 2.ოქმი №1.-ბინის მესაკუთრეთა  ამხანაგობის საერთო კრების ოქმი.
                                                         თარიღი:2010 წელი.1 აპრილი. 
                      დღის წესრიგი:

• ამხანაგობის თავმჯდომარის არჩევა
• უფლებამოსილების განსაზღვრა
• თბილისის კორპუსის მონაცემთა ბაზაში ცვლილებების შეტანა. 

,,თბილისის კორპუსში” განცხადების წარდგენა

     1.განცხადებები მიიღება ყოველი თვის 1-დან 10 რიცხვის ჩათვლით.
     2.განცხადებას თან უნდა ერთვოდეს

•    ,,თბილისის კორპუსის”  მიერ  გაცმული აღრიცხვის ფურცლის ქსეროასლი.

• მომსახურე ორგანიზაციის მიერ მომზადებული დეფექტური აქტისა და ხარჯთაღრიცხვის დედანი 2 ეგზემპლარად. 

     მომსახურე ორგანიზაციის მოძიებას,ხარჯთაღრიცხვის  შედგენასა და სხვა სახის ურთიერთობებს აწესრიგებს კორპუსის თავმჯდომარე. 

1. 
   

განცხადებები:

 გია ჩაჩანიძეს!
ბატონო გია!მთელი კორპუსის საერთო შემადგენლობა გილოცავს დაბადების დღეს-6 აპრილს....
გეშრომოს და გექეიფოს ,
აგეწიოს ყანწები...
კმაყოფილი გყოლებოდეს
მთელი უბნის კაცები...
სიურპრიზით გააოცე ცოლი ,შვილი,ოჯახი...
სულ გვეძახოს გაოცებით:
კაცია და რა კაცი!
იხარე და იბედნიერე,უბნის იმედად,ბატონო გია! 


                              გალინა ჩაჩანიძეს!
გილოცავთ დაბადების დღეს-10 აპრილს!
გისურვებთ წარმატებებს საზოგადოებრივ და პირად ცხოვრებაში....იხარე და იბედნიერე,ჩვენო ლამაზო და საამაყო გოგონავ!




 ნატო დარბაიძეს!
დაბადების დღეს გილოცავ,.
ჩემო ძვირფასო ნატო...
სულ სიხარული გქონოდეს.
არ ყოფილიყო მარტო...


გილოცავ ამ ლამაზ დღეს-26 აპრილს!
                                  ლიკა 

ახალი ამბები

აღდგომის ბრწყინვალე დღესასწაული თემქის მოსახლეობას მიულოცა ქალაქის მერმა გიგი უგულავამ.ის ესაუბრა მოსახლეობას იმ პრობლემებზე,რომელიც დგას მოსახლეობის წინაშე...ერთ-ერთი მთავარი მათ შორის დასაქმების პრობლემაა...აღუქვა მათ დახმარება ცხოვრებისეული პრობლემების მოგვარებაში.

არჩევნებიდან-არჩევნებამდე

ისინი სკოლის ხშირი სტუმრები არიან...ამჯერად N32 საჯარო სკოლის დამსახურებულმა პედაგოგმა დოდო თელიამ მათ გაკვეთილი ჩაუტარა,სკოლის მერხებთან დასხა ისინი, როგორც პირველკლასელები და გაკვეთილი ჩაუტარა.........